Р.Булгамаа: Эрүүгийн хэрэгт өмгөөлөгчгүйгээр орох боломжгүй, хүний хувь заяа шийдэгдэх асуудал

Монгол Улсын Үндсэн хуулийн 14 дүгээр зүйлд "Монгол Улсын иргэн бүр хууль, шүүхийн өмнө эрх тэгш байна" гэж заасан байдаг. Гэвч хоёр дахь өдрөө үргэлжилж буй сэтгүүлч Н.Өнөрцэцэгийн шүүх хуралтүүнийг өмгөөлөх өмгөөлөгчгүйгээр явагдаж байгаа юм. Үүнд хуульч Р.Булгамаа байр сууриа илэрхийллээ. Тэрбээр:

"Монгол Улсын иргэн Н.Өнөрцэцэг гурван хэргийнхээ хоёрт нь хууль зүйн туслалцаа авч, хэргээ өмгөөлүүлэх хүсэлтээ илэрхийлсэн боловч шүүх үл хүндэтгэж нэг өмгөөлөгч нь байна, бусдыгаа төлөөлөх ёстой гэж хандаж байгаа нь маш харалган хэрэг. Эрүүгийн хэрэг гэдэг бол тухайн хүний заяаг шийддэг асуудал. Гэтэл тусгай лицензтэй мэргэжлийн хүн эрүүгийн хэргийг өмгөөлөх учиртай. Өмгөөлөгч бүр өөр өөрсдийнхөөрөө мэргэшсэн байдаг. Өмгөөлөгч гэдэг эмчтэй агаар нэг. Шүдний эмч мэс заслын эмчийг орлож чадахгүй шүү дээ" гэв.