М.Алдартуяа: Охиныхоо дэргэд уйлж, сэтгэлийг нь үймүүлчихгүй юмсан гээд бараадаад зогсож байна

Зариг.мн сайтын эрхлэгч Н.Өнөрцэцэгт холбогдох хэргийн гэм буруугийн шүүх хурал Сүхбаатар дүүргийн эрүүгийн хэргийн анхан шатны шүүхэд хоёр дахь өдрөө хаалттай үргэлжилж байна. 

Шүүхээс Н.Өнөрцэцэгт гурван хэрэг хамаатуулж байгаа бөгөөд тус хэргүүдэд гурван өмгөөлөгч оролцох учиртай. Гэсэн ч түүний хоёр хэрэгт өмгөөлүүлэх эрх хангагдахгүйгээр шүүх хурал өрнөж байна. 

Сэтгүүлч Н.Өнөрцэцэгийн ээж М.Алдартуяа шүүхийн гадна охиныхоо хэргийг үнэн зөвөөр шийдэгдэнэ хэмээн найдлага тээн зогсож байна. Тэрбээр "Миний охин өөрийнхөө хийсэн үйлд итгэл төгс байгаа учир өөрөө өөрийгөө өмгөөлөөд гараад ирнэ гэж итгэж байна. Гэхдээ их хүнд байдаг юм байна. Даралт ихсэж, сэтгэл тайван байх аргагүйдээд шүүхийн үүд сахиад зогсож байна даа. Охиндоо маш их итгэлтэй байна. Шүүхэд мөн итгэж байна. Охиныхоо дэргэд уйлж, сэтгэлийг нь үйлчихгүй юмсан гээд бараадаад байж байна даа" хэмээн сэтгүүлчдэд ярилцлага өглөө.