Н.Өнөрцэцэг: Төрийн нууцыг хадгалсан юм бол дамжуулсан эзэн нь хэн юм бэ гэдгийг мэдмээр байна

Сэтгүүлч Н.Өнөрцэцэгт холбогдох шүүх хурал өнөөдөр хоёр дахь өдрөө Сүхбаатар дүүргийн эрүүгийн хэргийн анхан шатны шүүхэд үргэлжилж 12:40 цагт завсарлалаа. Түүнийг олон нийтэд худал мэдээлэл тараасан, татвараас зайлсхийсэн болон төрийн нууцад халдсан гэх гурван үндэслэлээр шүүж буй. 

Сэтгүүлч Н.Өнөрцэцэг: "Ган үзэгтэн" ХХК өнгөрсөн хугацаанд 500 гаруй сая төгрөгийн татвар төлсөн байна. Зариг хувийн хэвшлийн байгууллага. Гэтэл үнийн дүнгийг нь хэлвэл ичмээр татвар төлөхөөс зайлсхийсэн гэж эрүүгийн зүйл ангиар яллах гээд байж байна. Хэрэв бид мэдэхгүйгээс алдаа гаргасан бол татварын байгууллага акт тавиад, бидэнд сануулж болно. Гэвч тэгээгүй шүү дээ. Үсний ширхэг бүрээр нь тоолж байна. 

Өнөөдөр Монголд үнэний төлөө явдаг нам гэж байхгүй болсон байна. Сөрөг хүчний үүргийг сайн муугаар хэлүүлдэг хэвлэлийн хэдэн байгууллагууд нь гүйцэтгэж байна шүү дээ. 

Төрийн нууцыг хадгалсан гэж үзэж байгаа юм бол дамжуулсан эзэн нь хэн юм бэ гэдгийг яагаад олж тогтоохгүй, мэдээлэхгүй байгаа юм. Би шүүхэд нэг удаа ч хүндэтгэлгүй хандаж байгаагүй. Гэтэл анх удаа шүүх хурлыг хойшлуулж өгөөч гэхэд хүлээж авсангүй. Шүүх засаглал дампуурчихаагүй гэдэгт итгэлтэй байна гэв.