Н.Өнөрцэцэгийн шүүх хурал өмгөөлөгчгүйгээр хоёр дахь өдрөө үргэлжилж байна

Сэтгүүлч Н.Өнөрцэцэгт холбогдох шүүх хурал өнөөдөр 09.00 цагаас хоёр дахь өдрөө Сүхбаатар дүүргийн эрүүгийн хэргийн анхан шатны шүүхэд үргэлжилж байна. 

Түүнийг олон нийтэд худал мэдээлэл тараасан, татвараас зайлсхийсэн болон төрийн нууцад халдсан гэх гурван үндэслэлээр шүүж буй бөгөөд өчигдөр /2024.07.18/ Н.Өнөрцэцэгийн зүгээс анх удаа хурлыг хойшлуулах хүсэлтийг тавьсан боловч  хүсэлтийг хүлээж авалгүй шүүх хурлыг эхлүүлсэн. 

Н.Өнөрцэцэгийн зүгээс дээрх гурван хэрэгт гурван өмгөөлөгчтэйгээр оролцох учиртай ч хоёр өмгөөлөгч шүүх хуралд оролцох боломжгүй байсан. Ийнхүү өнөөдөр 09:00 цагт дахин хуралдах хэдий ч мөн адил өмгөөлөгчгүйгээр шүүх хуралд оролцож байна.