ЗГ-ын гишүүн Л.Энх-Амгалан Боловсролын шинэ сайд П.Наранбаярт үүрэгт ажлаа хүлээлгэн өглөө

Монгол Улсын Ерөнхий сайд Л.Оюун-Эрдэнийн Засгийн газрын 38 дахь Боловсрол, шинжлэх ухааны сайдаар томилогдож ажилласан Боловсролын сайн Л.Энх-Амгалан өнөөдөр Боловсролын шинэ сайд, УИХ-ын гишүүн П.Наранбаярт үүрэгт ажлаа хүлээлгэн өглөө.

Л.Энх-Амгалан "Боловсролын салбарын зовлон, жаргалыг ойлгож, мэдэрдэг сайд томилогдож байгаа нь, өнөөдрийг хүртэлх хийсэн, эхлүүлсэн боловсролын шинэчлэл, үйл ажиллагаа тасралтгүй үргэлжилж, төрийн ажлын залгамж чанар хадгалагдана гэдэгт итгэлтэй байна.

Сайдын албыг гүйцэтгэх хугацаанд урам зориг хайрлаж, нэгэн баг болж дэмжиж ажилласан багш, сурган хүмүүжүүлэгчид, үйлчилгээний ажилчид, ажилтнууд, хүүхэд багачууд, оюутан залуус, эрдэмтэн судлаачид, эцэг эх, асран хамгаалагчид, хамтарч ажилласан бүх хүмүүст чин сэтгэлийн талархал илэрхийлье" хэмээн тамгаа хүлээлгэн өгчээ.