Түүхийн хичээлээр нэг, Англи хэлний хичээлээр 35 хүүхэд 800 оноо авчээ

2024 оны “Элсэлтийн шалгалт” 07 сарын 04-ний өдөр улс даяар Улаанбаатар хотын цагаар Түүх, Англи хэлний хичээлээр эхэлсэн.

Шалгалтад нийт 1,339 сурагч оролцож, улсын хэмжээнд түүхийн шалгалтад 1, Англи хэлний шалгалтад 35 хүүхэд 800 оноо авчээ.

Элсэлтийн шалгалтын шалгуулагчдын дүн оноог олон улсын дүн оноо боддог аргачлалын дагуу анхны оноо, хэмжээст оноо, проценталь, амжилтын чанарын индекс гэсэн үзүүлэлтээр эрэмбэлэн дүгнэдэг.

• Шалгалт дуусмагц, тусгайлан бэлтгэсэн шууд засалтын байранд тухайн
шалгалтын хариултын хуудсыг шалгагч машинаар уншуулж, анхны оноог шууд мэдээлнэ. Хэмжээст оноог 24 цагийн дараа www.eec.mn цахим хуудсанд байршуулна.
• Элсэлтийн шалгалтын дүн оноо бүхий батламж хуудсыг www.eec.mn болон E-mongolia.mn цахим үйлчилгээний нэгдсэн порталд байршуулах ба дүн онооны жагсаалт зарласнаас хойш шалгуулагч өөрөө хэвлэж авна.
• Элсэлтийн шалгалт болон МХБШ-ын батламж хуудас нь шалгалт өгснөөс хойш 2.8 жил /33 сар/-ийн хугацаанд хүчин төгөлдөр байна.