Р.Амаржаргал: Тоо чанар талаасаа АН ахиц гаргаж чадсангүй

Монгол Улсын Ерөнхий сайд асан Р.Амаржаргал ес дэх удаагийн УИХ-ын сонгуулийн үйл явцыг ийнхүү дүгнэсэн байна. Тэрбээр 

"Сонгуулийн урьдчилсан дүнг тойргоор нь авч үзвэл: АН олон жилийн дунджаар авдаг 1/3 буюу сонгогчдын 33 хувийн санал хүртжээ. Ахиц дэвшсэн юм алга.

Найдаж байсан УБ-т АН дөнгөж 17 хувь (4 суудал) авсан бөгөөд бараг 4.5 : 1 -ээр МАН-д (18 суудал) “хусуулсан” байна.

Харин орон нутагт 22 суудал (41 хувь) авсан нь 59 хувийн саналтай (32 суудал) МАН -тай ширүүн өрсөлдсөн гэлтэй. 1.4:1 ойрхон ялагдсан. Гэхдээ энд Өвөрхангайн фактор үйлчилсэн нь илт.

Намын саналаар: 2 том нам ойрхон байгааг тэмдэглүүштэй. Мөн парламентад шинэ 2 хүчин орж ирсэн нь ямар үр дагавартайг таах аргагүй.

Дүгнэвэл: тоо чанар талаасаа АН ахиц гаргаж чадсангүй" гэв.