Н.Номтойбаяр: Тува иргэд хилээр орж ирж байна, долдугаар сарын 01 давтагдахыг үгүйсгэхгүй

“Үндэсний Эвсэл”-ийн тэргүүн Н.Номтойбаяр УИХ-ын сонгуулийн үйл явцтай холбоотой асуудлаар мэдээлэл хийлээ. Тэрбээр:

"Үндэсний эвслийг харлуулах үйлдлийг Ерөнхий сайд Л.Оюун-Эрдэнийн ах Херо тэргүүтэй маш олон баг хийж хэрэгжүүлсэн. Энэ удаагийн сонгуульд нам, эвслийнхнийг бодлогын мэтгэлцээнд оролцохыг уриалсан Ерөнхий сайд ирсэнгүй. Түүнчлэн өнгөрсөн өдрүүдэд Увс аймгийн боомтоор эрүүгийн онц ноцтой гэмт хэрэгтэн, Тува иргэд Монгол Улсын хилээр маш олноороо орж ирэх болсон. Энийг хэний зохион байгуулалттайгаар оруулж ирээд байгаа юм бэ. 2008 оны УИХ-ын сонгууль долдугаар сарын 01 давтагдахгүй байхыг үгүйсгэхгүй. Би гүйцэтгэх ажиллагаа яаж явагддагийг маш сайн мэднэ" гэв.