Монполимет группийн дансыг хааж үйл ажиллагааг нь зогсоосонтой холбоотойгоор ажилчид нь тайван жагсаал хийж байна

Монполимет Группийн Тосон үйлдвэрийн үйл ажиллагаа бүрэн зогссон хэвээр байна. Машин техник, багаж хэрэгслээ лацдуулж, битүүмжлүүлсэн 300 гаруй ажилтан 16 дахь өдрөө ажилгүй сул зогсож байна.
Энэ хугацаанд харилцагч, хамтран ажиллагч байгууллагуудын ажил алдагдаж, ажилчид цалингаа авч чадахгүй нөхцөлд хүрээд байна. Үндсэн хуулинд Монгол Улсын иргэн хүн ажил хөдөлмөр эрхлэх эрхэлж, хөдөлмөрөө үнэлүүлэх эрхтэй. Энэ эрхийг хангаж өгөхгүй бол цаашид ч үзэл бодлоо илэрхийлж, жагсана гэдгийг тус группийн 1300 ажилчдын төлөөлөл үзэл бодлоо илэрхийлж байна.

Өнгөрсөн хугацаанд тэд ажлын байраа хадгалах, үйл ажиллагаагаа нээх зорилгоор төрийн захиргааны төв байгууллагад шаардлага хүргүүлжээ. Энэ талаар ажилчдын төлөөлөл хэлэхдээ "Бид төрөөс ямар ч халамж хүсээгүй, ажлаа тайван хийх эрх зүйн орчин л хүсч  байна. Бидний авсан мэдээллээр АТГ-с Тосон үйлдвэрийг нээх саналыг Прокурорын байгууллагад хүргүүлсэн байна. Бид ажлын байраа нээлгэх хүртэл хөдөлмөр эрхлэх үндсэн эрхээ хамгаалуулахаар бүх шатны төрийн байгууллагуудад хандаж, дуу хоолойгоо илэрхийлсээр байх болно.

Би ийм сайхан бүтээн байгуулалтад нийт ес дэх жилдээ ажиллаж, хөдөлмөрлөж, амьдарч байна. Сүүлийн үед манай групп дээр үүссэн нөхцөл байдалтай холбогдуулан өөрийн үзэл бодлоо илэрхийлэх гэсэн юм. Манай 1300 ажилчдын нэг эд, эс болсон Тосон үйлдвэрийн үйл ажиллагааг төрөөс зогсоогоод 15 хонолоо. Энэ хугацаанд үйлдвэрийн 300 орчим залуучууд хөдөлмөрлөх, ажиллаж эрхээ боомилуулж, хасуулж, ийм байдалтай байна. Тиймээс  “Монцемент” Өргөн үйлдвэрийн нийт ажилчдынхаа өмнөөс Тосон уурхайн үйл ажиллагааг хэвийн горимд ажиллуулахыг шаардаж байна" гэлээ.