Гадаад дахь монголчуудын санал хураалт үргэлжилж байна

Л.Бямбажав

22 цагийн өмнө

Гадаад улсад байгаа иргэд Монгол Улсын Их Хурлын 2024 оны сонгуульд саналаа өгөх өдөр үргэлжилж байна. Санал хураалт өчигдөр /2024.06.20/ эхэлсэн бөгөөд энэ сарын 23-нд дуусна.

Энэ жилийн сонгуульд гадаад улсад байгаа 13095 иргэн саналаа өгөхөөр сонгогчдын нэрийн жагсаалтад бүртгүүлжээ. СЕХ-ноос мэдээлснээр 2012 оны сонгуультай харьцуулахад санал өгөхөөр бүртгүүлсэн сонгогчийн тоо 3 дахин өссөн байна.

Тэдний хамгийн их нь буюу БНСУ-д амьдарч байгаа 2656 хүн Сөүлд санал өгөхөөр байна. Мөн Австралийн холбооны улсын Канберра хотод 1282, Японы Токио хотод 1177 хүн санал өгөхөөр бүртгүүлжээ. Харин хамгийн бага нь БНХАУ-ын Манжуурт 11, Арабын бүгд найрамдах Египет улсын Каирт 12, Кувейт улсын Эль Кувейт хотод 12 хүн санал өгөхөөр бүртгүүлсэн байна.

Харин хүйсийн хувьд нийт санал өгөхөөр бүртгүүлсэн хүмүүсийн 5339 нь эрэгтэй, 7756 нь эмэгтэй байна. Насны хувьд,

18-19 насны 687
20-24 насны 2415
25-29 насны 2190
30-34 насны 2080
35-39 насны 1921
40-44 насны 1172
45-49 насны 934
50-54 насны 672
55-59 насны 457
60-64 насны 329
65-69 насны 134
70 ба түүнээс дээш насны 104 хүн байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ