ТӨСВИЙН НИЙТ ОРЛОГО 90 ТЭРБУМААР ДАВЖ БИЕЛСЭН БАЙНА

Монгол Улсын нэгдсэн төсвийн нийт орлого ба тусламжийн дүн 2017 онд өмнөх оны гүйцэтгэлээс 10 гаруй хувиар өсч 6.5 их наяд төгрөгт хүрнэ гэж батлагдсан.

Тэгвэл энэ оны эхний 5 сарын байдлаар нэгдсэн төсвийн нийт орлого ба тусламжийн дүн 2.9 их наяд төгрөгт хүрч төлөвлөгөөнөөс 3.2 хувиар буюу 90.0 тэрбум төгрөгөөр давж биелсэн ба өмнөх оны мөн үеийнхээс 40 хувиар буюу 827.7 тэрбум төгрөгөөр нэмэгдсэн байна.

Нэгдсэн төсвийн нийт орлогын төлөвлөгөө, гүйцэтгэлийг задлан авч үзвэл:

Төсвийн орлого ийнхүү өсөхөд дэлхийн зах зээл дээрх эрдэс бүтээгдэхүүний үнийн өсөлт, голлох экспортын бүтээгдэхүүн тухайлбал, зэс, нүүрсний экспортын хэмжээний өсөлт болон дотоод эдийн засгийн байдал өмнөх оны мөн үеэс сайжирсан зэрэг нь голлон нөлөөлсөн байна.