Н.Номтойбаярыг сонгуульд нэр дэвшүүлэхээс татгалзжээ

“Үндэсний эвсэл”-ийн тэргүүн Н.Номтойбаяр өнөөдөр хэвлэлийн хурал хийж дараах мэдээллийг хийлээ.

Тэрбээр "Хууль хүний царай хардаг байдал сүүлийн үед улс төрийн зорилготойгоор гарах болсон. Үүнийг г ч би өөрийн биеэрээ мэдэрч 2020 оны УИХ-ын ээлжит сонгуулийн үеэр МАН-аас хөөгдсөний дараа Хан-Уул дүүрэгт бие дааж нэр дэвших шийдвэр гаргасан. Шийдвэр гармагц 23 цагийн дотор эрүүгийн хэрэгт сэжигтэн, яллагчаар татах тогтоол үйлдэж, тэр даруй намайг цагдан хорьж байсан. Зохиосон хэрэг нь хуульд нийцэхгүй, өмгөөлөгчгүйгээр шүүх хуралд оруулах, гэрчийн мэдүүлэг, тайлбар авахгүйгээр шүүхийн шийдвэр гаргах зэрэг ноцтой асуудлууд болсон. Гэсэн хэдий ч нэгэнт улс төрийн зорилготойгоор хэлмэгдүүлж байсныг нэр төртэйгөөр дуусгахаар шийдэж дуусгасан.

"Үндэсний эвсэл"-ийн зорилго иргэдийн эрхийг хамгаалах, хувийн хэвшлээ хамгаалах зорилготой. Үүнийг гүйцэлдүүлэхээр 9 дэх удаагийн сонгуульд оролцохоор хуульд заасны дагуу шаардлагатай материалуудыг бүрдүүлж ажилласан. Хуулийн дагуу ЦЕГ-т лавлагаа хүсэхэд сонгуулийн хуульд байхгүй зүйл заалтыг үндэслэж, хариу ирүүлж байсан. Үүнийг хэлэхэд дахин тодорхойгүй хариу өгсөн. ЦЕГ будилна гэж байхгүй.Үүнд үндэслэж, Сонгуулийн Ерөнхий Хорооноос намайг хасах шийдвэр гаргаж байгаа юм шиг байна" гэлээ.

Сонгуулийн ерөнхий хорооны тогтоолд авлига, албан тушаалын гэмт хэрэг үйлдсэн нь шүүхээр тогтоогдсон тул бүртгэхээс татгалзсан гэжээ.