“Милан Кортина 2026” тэтгэлэгт хөтөлбөрийн тамирчдыг хүлээн авлаа

Олон улсын олимпын хорооны Эв санааны нэгдлээс зарлагдсан “Милан Кортина 2026” өвлийн спортын тамирчдын тэтгэлэгт хөтөлбөрт шалгарсан гүйлтийн цана болон тэшүүрийн тамирчдад тэтгэлэг гардуулах ёслол Олимпик хауст боллоо.

Олон улсын олимпын хорооны Эв санааны нэгдлээс “Милан Кортина 2026” өвлийн олимпын наадамд оролцох тамирчдад дэмжлэг үзүүлэх, тэдний өрсөлдөөнийг нэмэгдүүлэх зорилгоор цөөн тооны тамирчдад тодорхой шалгуур тавьж, урт хугацааны хөрөнгө оруулалтын шийдвэр гаргаж, Тамирчдын тэтгэлэгт хөтөлбөрт хамруулдаг журамтай.

Манай улсаас гүйлтийн цанын төрөлд Б.Ачбадрах, О.Золбаяр, Т.Ариунболд болон тэшүүрийн төрөлд Б.Гэрэлтуяа нар 2026 оны 2 дугаар сар хүртэл тус хөтөлбөрт хамрагдана.

Өвлийн XXV Олимпын наадам Итали улсын Милан Кортинад 2026 оны 2-р сарын 6-22-ны өдрүүдэд болно.