"Нэткапитал санхүүгийн групп" Олимпыг шууд дамжуулах Central телевизтэй хамтран ажиллана

Олимп бол дэлхийн өнцөг булан бүрээс нас насны тамирчид оролцдог дэлхийн хүн төрөлхтний эв найрамдлын хамгийн том баяр, хамгийн том спортын тэмцээн билээ . Энэхүү арга хэмжээ нь тамирчдын хувьд замналынх нь хамгийн оргил үе байдаг ба тэдгээр тамирчдын амжилт, алдар цуу, улс орнуудын хувьд хөгжил дэвшил, хүчирхэг байдлыг илтгэх онцгой чухал үйл явдал билээ.

Тэгвэл Нэткапитал санхүүгийн групп 2008 оноос хойш санхүүгийн зах зээлд амжилттай ажиллаж, Монголдоо төдийгүй олон улсад дижитал санхүүгийн бүтээгдэхүүн үйлчилгээг цаг ямагт эрэлхийлэн, олон улсын жишигт нийцэхүйц үйлчилгээг үзүүлж, бүх төрлийн үйл ажиллагааг дэмжин ажиллан нийгэмд эерэг хандлагыг түгээж, уриалан дуу хоолой болсоор ирсэн билээ. Энэ ч утгаараа 33-р зуны олимпын наадам “Paris Olympics 2024”, “Евро-2024” мөн “Paralympic-2024” тэмцээнийг албан ёсны эрхтэйгээр шууд дамжуулах Central телевизтэй ерөнхий ивээн тэтгэгчээр хамтран ажиллах санамж бичигт гарын үсэг зурлаа.
Уг санамж бичигт гарын үсэг зурснаар Монгол улсад олимпийн хөдөлгөөнийг хөгжүүлж, сурталчилан дэлгэрүүлэх зорилготой юм.