“Улаанбаатар-Чонжү” чиглэл рүү аяллын шинэ зам нээгдлээ

О.Шүрэнцэцэг
2024/05/29

       Монгол улс, БНСУ хооронд аялагчдын тоо жилээс жилд нэмэгдсээр байна. 2023 онд Солонгос улсыг зорих Монголын жуулчдын тоо 135 мянгад хүрч цар тахлын өмнөх үе буюу 2019 онтой харьцуулахад 15 хувиар нэмэгджээ. Тэгвэл энэ урсгалыг улам бүр нэмэгдүүлэх боломжийг БНСУ-ын агаарын тээвэрлэгч “АeroК” компани бий болгоод байна. Тус компани Солонгос улсын төв цэг болох Чонжү хот руу долоо хоног бүр 3 удаагийн тогтмол нислэг үйлдэж эхлээд байна. Нислэгийн тийзний хувьд илүү хямд үнийг санал болгож, Чонжү чиглэлд аялах олон давуу тал боломжууд ч давхар нээгдэж байна.

       Чонжү хот нь Сөүл хотоос 1 цаг 30 минутын зайд байрлах бөгөөд Олон улсын өвчтөн, үйлчлүүлэгч хүлээн авах хүчин чадал бүхий эмнэлэг, шинжилгээний төвүүдтэй, уур амьсгалын таатай нөхцөлд оршдог тул аялахад тохиромжтой, амралт чөлөөт цагаа өнгөрүүлэх резорт, алжаал тайлах газрууд, түүхэн дурсгалт аялал жуулчлалын бүсүүдтэй зэрэг давуу талыг агуулдаг. Тиймээс Солонгос улсыг зорих аялагчдын хувьд олон таатай нөхцөлийг бүрдүүлсэн шинэ цэг Чонжү хотоос эхлэх боломжтой болж байна.  Энэ удаа бид БНСУ-ыг эрүүл мэндийн үйлчилгээ авах боломжийн талаар мэдээлэл хүргэе. 

Чонжү хотын эрүүл мэндийн аялал

          БНСУ-д эрүүл мэндийн зорилгоор зорчиж буй гадны улс орнуудын жагсаалтын тавдугаарт Монгол улс бичигдэж байна. Энэ нь манай улсын иргэд тус улсын эрүүл мэндийн үйлчилгээнд итгэл хүлээлгэж эмчилгээ үйлчилгээ авдаг болохыг илэрхийлж байна. Монгол улсаас 2019 онд 17918, 2023 онд 22080 хүн Солонгос улсад очиж эрүүл мэндийн үйлчилгээ авчээ. Ингэхдээ хамгийн түгээмэл нь хавдар, мөн бусад өвчлөлөөр эмчилгээ үйлчилгээ авсан бол үүний араас эрүүл мэндийн оношилгоо үйлчилгээнд хамрагдсан тохиолдол хамгийн их байгаа юм. Тэгвэл Чонжү хотыг зорьж эрүүл мэндийн чанартай үйлчилгээ авах шинэ гарц нээгдэж байна.  

“Эрүүл мэндийн оношлогоо”- “MEDI check”

        Чонжү Олон улсын нисэх онгоцны буудлаас 20-хон минутын зайд орших эрүүл мэндийн үйлчилгээний “MEDI check” төв. Тус төв нь эмнэлгийн шинжилгээ оношлогоогоор дагнан үйл ажиллагаа явуулж байна. Хэвтэн эмчлүүлэх шаардлагагүй, зөвхөн эрүүл мэндийн оношлогоо үйлчилгээ авах шаардлагатай хүмүүст хамгийн тохиромжтой сонголт юм. “MEDI check” төвийг гадны улс орноос ирсэн хүмүүс зорих нь цөөнгүй бөгөөд үйлчилгээнд нь сэтгэл хангалуун байгаа нь үйлчлүүлэгчдийн тоо нэмэгдэж буйгаас харагдана. Чонжү чиглэлийг зорин аялах хүмүүсийн хувьд “MEDI check” хамгийн ойр, зөв сонголт байх болно. 

Эмнэлгийн цогц үйлчилгээ “Hana” эмнэлэг

         20 гаруй жилийн түүхтэй БНСУ-ын урдаа барьдаг эмнэлгүүдийн нэг “Hana” эмнэлэг Чонжү хотод байрлаж байна. Бүс нутагтаа эмнэлгийн үйлчилгээгээрээ тэргүүлж, иргэдэд хамгийн сүүлийн үеийн тоног төхөөрөмжөөр чанартай эрүүл мэндийн үйлчилгээг үзүүлж байна. Орон нутгийн иргэд тус эмнэлгийг зорин ирж үйлчлүүлдэг бөгөөд “Өвчтөн төвтэй” уриатайгаар эрүүл мэндийн эмчилгээ оношлогоог үзүүлсээр иржээ. Монгол улсын хэд хэдэн эмнэлгүүдтэй хамтран ажилладаг тус эмнэлгийг зорьж үйлчлүүдэг Монголчуудын тоо сүүлийн жилүүдэд нэмэгдэж байна. Чонжү чиглэлийн нислэгээр тус эмнэлэгт хүрэх зам улам бүр дөт болж байна. “Hana” эмнэлэгт эрүүл мэндийн оношлогоо хийлгээд зогсохгүй хэвтэн эмчлүүлэх боломжтой юм. 

 “Kim” нүдний эмнэлэг

      БНСУ-д нүдний эмчилгээ оношлогооны чиглэлээр үйлчилгээ авч буй Монгол иргэдийн дийлэнхи “Нүдний хараа тэглүүлэх” үйлчилгээ авдаг байна. Үүний араас хөгшрөлтөөс үүдэлтэй хараа муудах тохиолдолд хагалгаа хийлгэх, хялар засуулах зорилгоор үйлчлүүлэгчдийн тоо өндөр байна. “Kim” нүдний эмнэлэг нь Солонгос улсдаа 15 дугаарт жагсч, жилдээ 120 мянга гаруй үйлчлүүлэгч хүлээн авдаг Солонгос улсын нүдний томоохон эмнэлгүүдийг нэг юм. Тус эмнэлгээр өдөрт 500 хүн үйлчлүүлдэг бөгөөд 40% нь Чонжү бүс нутгийн хүмүүс бол 60% нь бусад хотоос тус эмнэлгийг зорин ирж үйлчлүүлдэг байна. Сүүлийн үеийн эмчилгээ, оношлогооны дэвшилтэт технологийг нэвтрүүлсэн БНСУ дахь 10 эмнэлгийн нэг нь юм. 






0
angry
0
care
1
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Говь-Алтай аймгийн Есөнбулаг сумын 15.6 км авто замын барилгын ажлыг эхлүүллээ 3 цагийн өмнө
Солонготын даваа хаагдаж, Цагаан даваанд автомашины бөөгнөрөл үүсчээ 3 цагийн өмнө
Чингэлтэй дүүрэгт гарсан түймрийг цурманд орууллаа 3 цагийн өмнө
Танилц: Ирэх долоо хоногт УИХ-ын чуулганаар хэлэлцэх асуудлууд 5 цагийн өмнө
Нийслэлийн нутгийн захиргааны байгууллагуудын албан хаагчдын нийгмийн баталгааг хангах ажлыг эхлүүллээ 5 цагийн өмнө
Чингис хаан нисэх буудал руу зорчих автобусны цагийн хуваарьт өөрчлөлт орлоо 5 цагийн өмнө
УИХ-ын дарга Д.Амарбаясгалан Говь-Алтай аймгийн Тайшир суманд ажиллаж байна 5 цагийн өмнө
Зарим нутгаар их хэмжээний бороо орно 5 цагийн өмнө
Импортын гурил, улаанбуудай, малын тэжээлээс энэ сарын 20-ноос татвар авч эхэлнэ Өчигдөр
Иргэн: Telegram-аар цахим залиланд өртөж хоёр хоногийн дотор 15 сая төгрөгөө алдчихлаа Өчигдөр
С.Эрдэнэболд: Уучлалт гуйх чинь тийм аймшигтай, муухай зүйл биш Өчигдөр
Монгол Улс хэвлэлийн эрх чөлөөний индексээр 7 байр урагшилж, 102-т бичигдлээ Өчигдөр
Нийслэлийн 15 байршилд явган хүний замыг байгалийн чулуун хавтангаар сольж, шинэчилнэ Өчигдөр
ХӨСҮТ: Улаанбурхан өвчний батлагдсан тохиолдол 1166 болжээ Өчигдөр
ЦАГ АГААР: Өнөөдөр ихэнх нутгаар дулаарна Өчигдөр
"Ice top" хамтлагийн дуучин Б.Оргил-Эрдэнийг 5-р сарын 5-нд сүүлчийн замд нь үднэ 2025/05/02
Сэлэнгэ аймгийн Зүүнбүрэн суманд гарсан ойн түймрийг бүрэн унтраалаа 2025/05/02
“Чингис хаан” олон улсын нисэх буудал руу нийтийн тээврийн автобус явж эхэллээ 2025/05/02
Хангайн уулархаг нутаг болон говийн бүс нутгаар бороо, нойтон цас орно 2025/05/02
“Odmundur production” “Media Group”-тэй хамтран ажиллахаар болжээ 2025/05/01