Л.Гүндалай: Ер нь малчдаа дэмжээд зуд зурхан болсон энэ хүнд хэцүү үед нь зээлийг нь тэглэх нь зөв

"Малчдын зээлийг тэглэх тухай" асуудлаар Монголын Малчдын Нэгдсэн Холбоо /ММНХ/-ноос уриалга гаргаад байгаа. Тэдний уриалгыг Ард түмний хүч намын дарга Л.Гүндалай дэмжиж байгаагаа илэрхийллээ.

Тэрээр, Малчид бол Монголын хөдөө нутгийн манаж байгаа хилчид юм. Тэд бол уламжлалт өв соёлыг тээгч мундаг хүмүүс. Малчид байгаа учраас Монгол хүн Монголоороо байгаа. Ер нь малаа, малчдаа, хөдөө нутгаа, Монголоо дэмжье гэвэл малчдынхаа зээлийг тэглэх ёстой. Малчдын зээл нийт 1.3 их наяд төгрөг гэтэл нүүрсний хулгайн мөнгө 44 их наяд. Өөрөөр хэлбэл тэр хулгайн мөнгөөр малчдын зээлийг гучин удаа хааж болохоор байна. Ер нь малчдаа дэмжээд зуд зурхан болсон энэ хүнд хэцүү үед нь зээлийг нь тэглэх нь зөв гэж бодож байна.

Монголын малчдын нэгдсэн холбооноос гаргаж байгаа энэ уриалгад 100 мянган малчин нэгдээд байна. Тэд малчдын зээлийг төрөөс мөнгийг нь гарган тэглээсэй гэсэн хүсэлтийг илэрхийлсэн. УИХ-д 100 мянган гарын үсэг зурж өгснөөр хуулийн төсөл болгож их хурлаар хүлцүүлэх хуулийн заалттай. Өнөөдөр 100 мянган хүний гарын үсэг цугласан байна. Монголд 240 мянган малчин өрх бий. Тэдний төлөөл 100 мянган малчин гарын үсгээ зураад байна. Монгол мөнгө байгаа хулгай ч их байна. Малчдад шинэ хоршоо нэрээр 50 сая төгрөг өгч байхаар эндээс 1.3 их наядыг нь малчдын зээлийг тэглэхэд зарцуулах хэрэгтэй.