П.Сайнзориг: Шинэ номын сангийн дэргэд баригдаж буй барилгын карказыг буулгаж, ногоон байгууламж болгоно

Үндэсний шинэ номын сангийн дэргэд баригдаж буй барилгын карказыг эзэмшигчтэй нь зөвшилцөж, буулгахаар болжээ.

Нийслэлийн засаг даргын нэгдүгээр орлогч П.Сайнзориг: Ард харагдаж байгаа 300 м² талбай бүхий газар дээр дутуу баригдсан барилгыг эзэмшигч хувь хүн буюу н.Батбаатартай ярилцаад нийгмийн хариуцлагын хүрээнд ногоон байгууламж болгохоор тохиролцлоо. Анх 2005 онд олгогдож байсан газрыг тус компани 2008 онд худалдан авч барилгын ажлаа эхлүүлсэн байдаг. Холбогдох хууль, тогтоомжуудад нийцэхгүй байх магадлалтай гээд шүүхийн маргаанууд үүссэн учраас барилгын ажил удааширч зогсонги байдалд орсон юм билээ.
Жижиг гэлтгүй газруудыг ногоон байгууламж болгохоор бид зорьж байна.