Нэр дэвшигчдийн бүртгэл маргааш хаагдана

Улсын Их Хурлын 2024 оны ээлжит сонгуульд нэр дэвших иргэдийн лавлагааг өнөөдөр 09.00-18.00 цагийн хооронд Улсын дээд шүүхээс олгож байна.
Сонгуульд нэр дэвшигчдийн бүртгэл тавдугаар сарын 25-нд хаахтай холбоотойгоор нэр дэвшигчдийн лавлагааг өнөөдөр, бүх нийтээр амрах амралтын өдрөөр ажиллан олгохоор бүх шатны шүүхийн 37 Тамгын газар, Арбитр, Шүүхийн шийдвэр гүйцэтгэх газар хамтран ажиллаж байгаа аж.

Лавлагаа өгөх ажил эхлээд сар гаруй хугацаа өнгөрч байгаа ч нэр дэвшигчид материалаа тулган ирүүлж байгаагаас их хэмжээний материал хуримтлагдан хүндрэл учирч байна. УДШ-ийн Тамгын газар нь аймаг, нийслэл, дүүрэг, сум дундын бүх шүүхүүдээс шүүлт хийлгэн дээрх байгууллагуудаас лавлагаа авч
нэгтгэн гаргаж өгөхөд тодорхой хугацаа шаардагддаг болохыг Улсын дээд шүүхээс анхааруулж байна.