Намуудын хурал үдээс хойш товлогджээ

2024 оны УИХ-ын сонгуульд нам, эвслүүд өнөөдөр /2024.05.20/ нэр дэвшигчдээ тодруулж дуусах хуулийн хугацаатай. Энэ удаагийн сонгуульд нэг нам, эвсэл 126  хүнийг нэр дэвшүүлнэ.

Нэр дэвшигчдээ намыхаа хурлуудаар зарлах учиртай. Тухайлбал, МАН Бага хурлаа 16 цагт товлосон байна. Үүнээс өмнө Удирдах зөвлөл нь 14 цагт хуралдаж байр сууриа нэгтгэнэ. АН-ын ҮБХ-ны хурал 18 цагт мөн ХҮН 18 цагт хуралдахаар товложээ.

Энэ удаа 126 гишүүнийг холимог тогтолцоогоор сонгоно. УИХ-ын сонгуулийн тухай хуульд заасны дагуу 78 гишүүнийг мажоритар буюу олныг төлөөлөх, 48 гишүүнийг пропорционал буюу хувь тэнцүүлэн төлөөлөх аргаар сонгоно.

78 гишүүнийг 13 тойргоос тухайн тойрог тус бүрийн мандатын тоотой тэнцүү хамгийн олон санал авсан нэр дэвшигчийг УИХ-д сонгогдсонд тооцно. Харин 48 гишүүн нь нам, эвслийн жагсаалтаар сонгогдох бөгөөд тодорхой шалгуур хангасан нам, эвсэлд хуульд заасан аргачлалын дагуу суудал хуваарилна.