Д.Баттулга: Залуус эх орондоо амьдрах аргагүйдээ харийн улсад очиж, хөөгдөөд ч хамаагүй тэндээ амьдрах гэж зүтгэж байна

"Монгол Улс залуучуудаа хөөгөөд гаргаж байна гэж харж байгаа. Сургуулиа дөнгөж төгссөн залуучуудаас ажлын туршлага шаарддаг, гарааны бизнес эрхлэх гэхээр нь баянаа нотло гэсэн шиг их юм шаарддаг. Нэг бол эцэг эхийнхээ байраар тоглолт хийж үзэж байх жишээтэй. Залуучууд руу анхаарах цаг нь болсон" хэмээн ярих түүнийг Даваагийн Баттулга гэдэг. Дорнод аймгийн уугуул, эрх зүйч, инженер мэргэжилтэй. 2018 онд "Дорнод ирээдүй сан"-г 34 насандаа үүсгэн байгуулсан. 

“Сайн байна уу” контентын ээлжит зочноор УИХ дахь Ардчилсан намын бүлгийн зөвлөх, "Буриадын төв холбоо"-ны тэргүүн, "Дорнод ирээдүй сан"-ийн үүсгэн байгуулагч Д.Баттулгыг урьж, ярилцлаа.

"Миний ээж багш хүн. Багш хүний хүүхэд байна гэдэг аливаад сэтгэлээсээ хандаж чаддаг, хүмүүжилтэй өсдөг байх гэж боддог. Хүний үнэт зүйл юу вэ гэдгийг залуучууд ойлгодог болчихсон. Бүх зүйлийг мөнгө гэж харж байгаа бол энэ биш юмаа. Өөртөө болон бусдад ирээдүйд урагшлах боломжийг олгоно гэдэг их сайхан байдаг. Сангийн үйл ажиллагаагаар дамжуулан олон залууст тив дэлхийд эх орныхоо нэрийг дуурсгах боломжийг өгч байгаа минь эргээд баярлалаа гэсэн чин сэтгэлээр буцаж ирдэгт баярладаг" хэмээн ярих түүний хөрөг ярилцлагыг бүрэн эхээр нь хүлээн авч үзнэ үү.