"Ногоон автобус"-ны сонсгол энэ сарын 20, 21-нд болно

“Ногоон” автобусны худалдан авалтад хяналт шалгалт хийх түр хороо өнөөдөр (2024.05.14) хуралдаж, сонсголыг тавдугаар сарын 21, 22-ны өдрүүдэд зохион байгуулахаар болжээ. Хуралдаанаар сонсголын тов, хэлэлцэх асуудал, дуудах гэрчүүд зэргийг хэлэлцэн баталж, 98 гэрч дуудах аж.

Гэрчүүдээр:

• Монгол Улсын сайд, Нийслэл Улаанбаатар хотын авто замын түгжрэлийг бууруулах Үндэсний хорооны дарга асан Ж.Сүхбаатар,
• Нийслэл Улаанбаатар хотын авто замын түгжрэлийг бууруулах Үндэсний хорооны ажлын албаны дарга Ц.Батгэрэл,
• Нийслэлийн Засаг дарга асан Д.Сумъяабазар,
• Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч асан Ж.Сандагсүрэн,
• Нийслэлийн Засаг даргын зөвлөх асан Д.Мөнх-Эрдэнэ,
• Нийслэлийн Засаг даргын тамгын газрын албан үүргийг түр орлон гүйцэтгэгч асан И.Баатархүү,
• Нийслэлийн Засаг даргын төрийн захиргааны удирдлагын хэлтсийн дарга Ү.Ганболд,
• НЗДТГ-ын Санхүү, төрийн хэлтсийн даргын албан үүргийг түр орлон гүйцэтгэгч Н.Наранбаатар,

• Нийслэлийн Нийтийн тээврийн газрын даргын албан үүргийг түр орлон гүйцэтгэгч Ч.Сайханбаяр,
• Нийслэлийн Нийтийн тээврийн газрын дарга асан С.Жавхланбаатар,
• Нийслэлийн Нийтийн тээврийн үйл ажиллагааны даргын үүргийг түр гүйцэтгэгч Г.Энхсайхан
• “Тэнүүн-Огоо“ ХХК-ийн Ерөнхий захирал А.Ганхуяг
• “Тэнүүн-Огоо“ ХХК-ийн Гүйцэтгэх захирал Ж.Эрдэнэбат зэрэг 98 хүнийг гэрчээр дуудахаар болжээ.