126: Сонгинохайрханчууд Д.Сумъяабазарыг Г.Очирбатаар солих уу?

Үндэсний үйлдвэрлэлийн төлөөлөл болж, олон зуун залуусыг ажлын байраар хангаж яваа Ганбатын Очирбатыг бид онцолж байна. Сонгинохайрхан дүүргийн унаган хүүхэд тэрбээр, дүүргийнхээ иргэдийн амьдрах орчин нөхцөлийг сайжруулах, ажилтай орлоготой болгох чиглэлээр анхаарч, дугарч яваа 80-аад оны төлөөлөл юм. Нягтлан бодох бүртгэл, хүний нөөцийн мэргэжилтэй тэрбээр, ТНГРИ группийг үүсгэн байгуулж, үндэсний үйлдвэрлэгчдийн төлөөлөл болж явна. 16 настайдаа “Хүчит шонхор” захын туслах ажилтнаас ажлын гараагаа эхэлж байсан түүний үүсгэн байгуулсан компани өнөөдөр зургаан үйлдвэртэй болж, 800 гаруй залуусыг ажлын байраар хангаж байна.  

ЖДҮ-ийн зээлийг дарга нар авч байхад жинхэнэ ЖДҮ хийж яваа залуу өөрийн хүчээр бизнесээ босгож өнөөдрийг хүрчээ. Тэрбээр, залуучууддаа шударгаар өрсөлдөх, гарааны тэгш боломж олгохын төлөө ажиллахаа хэлж байгаа юм. Бизнесээ шинээр эхэлж буй залууст түүний туулсан зам нь туршлага болж, тэдний үгийг шийдвэр гаргах түвшинд хүргэхээр УИХ-ын сонгуулийн арваннэгдүгээр тойрогт нэр дэвшихээр яригдаж байна. Тэрбээр, тус дүүргээс сонгогдсон ч дүүргийн хөгжилд нэг ч анхаараагүй МАН-ын гишүүн Д.Сумъяабазарыг "Сонгинохайрханчуудаас ич" гэж шүүмжлэх болсон. Дашрамд дурдахад нам нь нэр дэвших мандат олгохгүй гэж буй нэрсийн жагсаалтыг Д.Сумъяабазар тэргүүлж буй гэх. Үүний араас Ц.Анандбазар, Б.Энхбаяр, Ц.Даваасүрэн нарын нэрс бичигдэж байна гэх мэдээлэл байгаа юм.