Э.Цэндбаатар олимпын эрх олгох тэмцээндээ оролцохоор Тайландыг зорино

Тайланд улсын Бангкок хотноо 2024 оны тавдугаар сарын 21-нээс зургадугаар сарын 3-ны өдрүүдэд зохион байгуулагдах "Парис 2024" олимпийн наадмын эрх олгох тэмцээнд оролцохоор  МУГТ Э.Цэндбаатар өнөөдөр /2024.05.10/ Тайландыг зорино. Тэрбээр өнгөрсөн гуравдугаар сарын 18-нд Олимпийн эрхийн сорилд оролцох хүсэлтгээ гаргаж улмаар Монгол Улсыг төлөөлөх тамирчдыг сонгон шалгаруулах тэмцээнд ялалт байгуулж эрхээ авсан билээ.

Тэрбээр энэ үеэр "Дутуугаа гүйцээж, олимпод оролцож, аварга болмоор байна. Надад олимпийн медалиас бусад нь бүгд байна. 2024 оны "Парис 2024″ олимпийн наадамд амжилттай оролцохын тулд бүхий л чадвараа гаргана" хэмээн ярьж байв.

Түүнчлэн түүний мэргэжлийн боксын 10 дахь тулаан өчигдөр болж,  Флоридад 10 дахь тулаанаа хийж ялалт байгуулсан.