126: “Anna Cashmere” брэндийн үүсгэн байгуулагч Г.Ариунжаргал УИХ-ын сонгуульд нэр дэвшихээр горилж байна

Ноос, ноолууран бүтээгдэхүүн үйлдвэрлэлийн уламжлалт бизнест инноваци шингээж, шинэ уур амьсгалыг нэвтрүүлж буй “Anna Cashmere” брэндийн үүсгэн байгуулагч, Г.Ариунжаргал УИХ-ын сонгуулийн долдугаар тойрог буюу говийн бүсэд МАН-аас хүч үзэх таамаг байна. Гадаадын их дээд сургуульд санхүүгийн чиглэлээр дээд боловсрол эзэмшсэн тэрээр Монголын хөрөнгийн биржид ажиллаж, үл хөдлөхийн салбарт ч хүч үзэж явсан юм. Харин сүүлийн жилүүдэд ноос ноолуурын бизнес эрхэлж Хонгконг, Бээжингийн их дэлгүүрүүдэд бүтээгдэхүүнээ борлуулж, Монгол брэндийг олон улсад таниулж явна.  80-аад оны төлөөлөл, МАН-н бага хурлын гишүүн, Монголын эмэгтэйчүүдийн холбооны УЗ-ийн гишүүн түүнийг УИХ-д  эмэгтэйчүүдийн төлөөлөл болохоор горилж буй тухай улс төрийн хүрээнд яригдах болсон нь энэ юм.