126: Ж.Батзандан "МАН л биш бол ямар ч намаас нэр дэвшихэд бэлэн" гэв

УИХ-ын гишүүн асан Батзандан "МАН л биш бол ямар ч намаас нэр дэвшихэд бэлэн" гэдгээ илэрхийлээд буй. Эрх баригч намын үед гурван ч удаа шоронд хоригдсон нь үүний шалтгаан бизээ.  Цагтаа шударга тавын нэг болж явсан түүнийг  АН-аас БЗД буюу 8 дугаар тойрогт нэр дэвших магадлалтайг эх сурвалжууд хэлж байгаа юм. 

Тус тойрогт муу ажиллаж оноогоо тавиулсан Ж.Чинбүрэн, Х.Булгантуяа, Б.Саранчимэг, Ж.Энхбаяр нарыг тойргоо орхино орхихгүй гэх жиг жуг яриа бий. Намаас нь мандат өгөхгүй гэх шуум тараад буй хууль зүйн сайд өнөөдөр БЗД-тээ нэр дэвшинэ гэдгээ хэвлэлийнхэнд хэллээ. Манай нам нэг хүний өмч биш гэж хэлсний цаана нам дотроо учраа хараахан олоогүй боловуу гэх хардлага төрүүлж байна. Харин нөгөө талд сөрөг хүчнээс Ж.Батзандан, сэтгүүлч Ж.Баттуул, Ц.Жадамбаа, М.Тулгат нарын нэр яригдаж байна.

Ямартай ч БЗД буюу 8 дугаар тойргийн эзэд эхнээсээ ил болж байна. Энэ дундаас хамгийн хуудуутай Батзандангийн тухайд, Иргэний хөдөлгөөнөөр гарч ирж , АН-руу их хөдөлгөөн хийж амь аврагдаж явсан ч Шинэ нам-ыг байгуулж, шударга 5-ын нэг болтлоо угшлаа гээж явсан түүхтэй. Хөгжлийн банкны зээлтэй зөвлөх Г.Аюулгүйн нэр дээр бүртгэлтэй “Азийн бамбар” компаниараа холбогдож шалгагдаж явсан нэр цэвэр хүн биш гэдгийг энд сануулья.