126: П.Анужин гишүүний лайв тайлан зөв жишиг боллоо

Гишүүдийн тайлан дундаас хамгийн дуулиантай, хэл ам дагуулж эхэлсэн тайлан бол УИХ-ын гишүүн, Нийгмийн бодлогын байнгын хорооны дарга П.Анужингийн “Хариулъя” лайв тайлан байв.  Олны хэлдгээр гэнэт “хэлд” орсон гишүүн маань “Дуугүй байх нь сонгодог хариулт ч хариулъя, зарим зүйлд” гэх зургийг сошиалд байршуулснаар нийгмийн тренд болтлоо түгсэн. Хэдийнээс хэлсэн, хийсэн болгон нь хэл ам дагуулж, олны анхааралд ордог гишүүний ээлжит дуулиан ийн эхлэх нь тэр.

Эрхэм гишүүн ийнхүү лайваар тайлангаа тавих болсон шалтгаанаа УИХ-ын Хаврын чуулган үргэлжилж байгаа энэ мөчид үүрэгт ажлуудынхаа дараагаар сонгогчидтойгоо нүүр номын хуудсаараа дамжуулан шууд уулзах боломжийг ашиглаж байгаа хэмээж байгаа юм. УИХ-ын гишүүдийн хувьд баталсан хууль тогтоомжоо танилцуулан, хуулийн ямар заалтууд иргэдийн амьдралд өөрчлөлт авчирч байгааг ойлгуулан, хууль сурталчлах ажлаа ийн энгийн бөгөөд төсөр аргаар хүргэх нь ухаалаг шийдэл. Хэвлэл мэдээллийн хэрэгслүүдийн үнэ өртөг, бензин шатахууны зардал, цаг зав гарган хүмүүс цуглуулан ажил удахаас бараг түүний энэ шийдэл нь илүү ухаалаг арга байж болох юм.

Тэрээр өөрийн ахлан батлуулсан Нийгмийн даатгалын багц хуулийн онцлох заалтуудыг лайв бүр дээрээ тайлбарласаар байгаа. Тэтгэврийн зөрүүг ойртуулсан, тэтгэврийн нэрийн данстай болсон, өндөр 7 жил 5 жил болж өөрчлөгдсөн, тэтгэвэр өвлөгдөх болсон гээд энэ оны нэгдүгээр сараас хэрэгжиж эхэлсэн Нийгмийн даатгалын багц хууль хүн бүрийн амьдралд хэрэгтэй хууль ч нарийн өөрчлөлтийг хүмүүс тэр бүр мэддэггүй.

Харин П.Анужин гишүүний лайваас хүмүүс бага багаар энэ тухай ойлголтоо нэмсээр байгаа. Сүүлийн лайвдаа Нийгмийн эрүүл мэндийн тухай хуулийг тайлбарлах явцдаа таны эрүүл мэнд таны гарт байгааг сануулаад ус ууж залуу төрх эрүүл биеэ хадгалаарай гэж зөвлөөд ч амжсан.

П.Анужин гишүүний сонгогдсон Сонгинохайрхан дүүрэг бол дундаж гурван аймгийг нэгтгэсэнтэй ижил том тойрог. Хүн бүр ухаалаг утас, интернэт ашиглаж байгаа энэ үед түүний лайв хамгийн хүртээмжтэй, хэмнэлттэй, ухаалаг сонголт болж хувирлаа. Үргэлж олны анхаарлыг татаж байдаг түүний лайв гишүүдийн тайлангуудаас сонирхол татах нэг хэсэг болох нь тодорхой болов.