126: Л.Гүндалай: Ард түмэн хүчтэй, ард түмний хүчээр МАНАН бүлэглэлийг БУТ ЦОХИНО

Миний амьдрал тэр чигээрээ тэмцэл, Монголчууд тэмцдэггүйд нь би харамсдаг гэж хэлдэг Тэмцэгч Гүндалай 126 -ийн нэг болохоор зориг шулуудсан бололтой. Улс төрд өөрийн хүчээр бие даан орж ирсэн байсан Гүндалай өнөөдөр “Ард түмний хүч нам”-аараа УИХ-ын сонгуулийн 4-р тойрогт Булган, Орхон, Хөвсгөл аймагт хүч үзэх нь тодорхой болж байх шиг байна.

 Түүх сөхвөл 2000 оны УИХ-ын сонгуульд одоогийн МАН 72 суудал авч үнэмлэхгүй олонх болж байх үед Ламжавын Гүндалай Хөвсгөл аймгаас Бие даан нэр дэвшиж, УИХ-д орж ирсэн. Түүнд тухайн үеийн парламентад гарцаараа сөрөг хүчний үүргийг гүйцэтгэж байсан арвин түүх бий. Энэ үед Гүндалайг парламентад ганцаардуулж үг хэлэх эрхийг нь хүртэл хязгаарлаж байсан. Ганц дайчин ганцаардахгүй гэдэгчлэн үг хэлэх эрхийнхээ төлөө тэр тэмцэж ирсэн. Түүний тэмцэгч зан чанар АН-д хэрэгтэй байсан тул 2004 оны сонгуульд АН-ын мөрийн хөтөлбөрийг боловсруулан ялалт байгуулж байсан юм.

Л.Гүндалай нийгмийн баялгийн хамгийн зөв шударга хуваарилалт бол хүүхдэд мөнгө өгөх явдал гэдгийг 2004 онд анх санаачлан Монголынхоо нэг сая хүүхдэд “хүүхдийн мөнгө” олгуулж , 2012 онд дахин санал гаргаж 20,000 төгрөг болгуулж нэмэгдүүлсний учир “хүүхдийн мөнгөний эцэг” хэмээн нэрлэгдэх болжээ. Өдгөө уг санаачилга нь улам бүр өргөжиж 100,000 төгрөг болсонд ард түмэн баяртай байна.

Тэмцэгч Гүндалай УИХ-ын гишүүнээр ажиллаж байхдаа “Бро гоулд” -ийн уурхайн гадаа үймээн дэгдээн жагсаж хүртэл үзэж байсан. Тэр тогтвортой байдлын гэрээг цуцал, Монголын баялгийгтүүхийгээр нь зөөхийг зогсоо гэхчлэн шаардаж байсан юм.

Зүүн Германд эмчийн мэргэжил эзэмшсэн тэрээр гурван парламент дамнан их хуралд суухдаа Эрүүл мэндийн сайдаар ажиллаж “Эрүүл Монгол хөтөлбөр”-ийг боловсруулан Монголчуудад урьдчилан сэргийлэх үзлэг ямар ач холбогдолтойг анхлан ойлгуулсан гэхэд хилсдэхгүй. Сүүлийн найман жил нэг нам засаглаж ард түмний амьдрал дээшлэхгүй байгаад эгдүүцэн “Ард түмний хүч нам”-аараа дамжуулан ард түмний хүчээр МАНАН бүлэглэлийг бут цохино гэсэн итгэл үнэмшлээр дараагийн тэмцэлдээ мордох болсноо илэрхийлээд байгаа юм.