126: АН-ын шинэ горилогчдын жагсаалтыг Х.Эрдэнэбаатар үргэлжлүүлж байна

Малын тоонд бус чанарт анхаарах үндсэн ойлголтод тулгуурлах Чинээлэг малчин хөтөлбөрийг малчин түмэнд таниулж яваа залуу улс төрч Х.Эрдэнэбаатарыг онцолж байна. 70 сая малтай 250 мянга гаруй малчин өрх өргөн уудам нутагт амьдарч жилийн дөрвөн улиралд зүтгээд байгаа хэрнээ малчдын амьдрал сайжрахгүй байгааг өөрчлөх боломж, гарц гаргалгаа байгаа гэдгийг сүүлийн 10-аад жил ярьж яваа. Түүнийг УИХ-ын сонгуулийн дөрөвдүгээр тойрог Хөвсгөл Булган Орхонд нэр дэвших тухай улс төрийн хүрээнд яригдаж байна.

Санхүүгийн менежментийн чиглэлээр мэргэшиж, төрийн захиргааны менежментээр мэргэжил дээшлүүлж хувийн бизнесээ эрхэлж яваа Х.Эрдэнэбаатар, Монголын Жюүжицүгийн холбооны Ерөнхийлөгч, Жюүжицүгийн Азийн холбооны дэд Ерөнхийлөгчөөр ажиллаж спортод элэгтэй залууст танигдсан. Улс төрд хөл тавьж АН-тай хувь заяагаа холбосноос хойш нийгэм, ард иргэдийн амьдрал, тэр дундаа малчдын аж ахуйг бизнес болгон хөгжүүлэх боломжийн тухай ярих болсноор улс төрд ч танигдаж явна.

Дөрөвдүгээр тойрогт АН-аас нэр дэвшигчдийн дийлэнхи нь шинэ залуу улс төрчид. Нэр цэвэр, хийж бүтээх хүсэл эрмэлзэл дүүрэн шинэхэн горилогчдын жагсаалтыг Х.Эрдэнэбаатар үргэлжлүүлж байна.