126: Улс төрийн шинэ өнгө Б.Баттулга гэж хэн бэ?

Эрх баригч нам ирэх сонгуульд нэр цэвэр хүмүүсээ дэвшүүлнэ гэх хэдий ч бодит байдал дээр хэлснээсээ зөрж буй. Хөгжлийн банк, Боловсролын зээлийн сан, ЖДҮХС-гийн зээлүүдэд нэр холбогдож бусдын боломжийг хулгайлсан хүмүүс дахин нэр дэвшихээр зэхэж буй нь нэр дэвшигчдийн прогнозоос харагдана. Тэгвэл сөрөг хүчин ирэх сонгуульд нэр цэвэр, боловсролтой шинэ залуусаа сойх зураглал гараад байна. Тэдний нэг нь Балдангомбын Баттулга юм. 

Ардчилсан намыг С.Эрдэнэ засаглаж явах үед намын гал тогоог барьж ХЭГ-ын даргаар чамгүй хугацаанд ажиллаж явсан Б.Баттулга ирэх сонгуульд есдүгээр тойрог буюу БГД-т хүч үзэхээр горилж буй тухай улс төрийн хүрээнд яригдаж байна. Тус тойрогт АН-аас С.Эрдэнийн нэр тодорхой болоод байгаа бол түүнтэй хамт тус тойрогт Д.Энхтуяа, Б.Баттулга нар дэвших магадлалтай байна. 

Б.Баттулга нь  Засгийн газрын хэрэгжүүлэгч агентлаг Гадаадын Иргэн Харьяатын Асуудал Эрхлэх газрын хэлтсийн дарга, Иргэний харьяалал, Шилжилт Хөдөлгөөний Ерөнхий газарт газрын даргаар ажиллаж байсан тэрээр өдгөө Ардчилсан хүчний холбооны гүйцэтгэх захирлаар томилогдон ажиллаж буй юм. 

Олон улсын харилцаа, боловсролын удирдлагын чиглэлээр мэргэшиж, МУИС-д Олон улсын харилцааны чиглэлээр магистрийн зэрэг хамгаалжээ. 

Тэрбээр сүүлийн үед ардчиллыг тээж, улс орноо хөгжүүлэх ёстой залуус гадагшаа дүрвэж буй асуудлаар шүүмжлэлтэй дуугарах болсон. Монгол Улсаас БНСУ-д суугаа Элчин Сайдын Яаманд Консулын тасгийн дарга аар ажиллаж байх хугацаандаа ч энэ чиглэлд анхаарал хандуулан ажиллаж байжээ.

АН-аас ирэх сонгуульд хүч үзэх нэр цэвэр шинэ залуу горилогчдын жагсаалтыг Б.Баттулга эхлүүлж байна.