С.Амарсайхан: Мал аж ахуйн салбарт хөрөнгө оруулалт хийснээр энэ салбар утгаараа хөгжинө

Шадар сайд С.Амарсайхан “Шинэ хоршоо" хөдөлгөөний талаар мэдээлэл өглөө.

Тэрбээр "Мал аж ахуйн салбар бол манай улсын хөгжлийн гол тулгуур байж ирсэн. Цаашдаа ч байх учиртай. Иймээс энэ салбарыг дэмжих хууль эрх зүйн орчныг бүрдүүлсэн. Нүүдлийн өв соёлоороо бид дэлхийд тамгалагдсан. “Шинэ хоршоо" хөдөлгөөн өрнөсөөр малын үржил шим сайжирч мөн малчдын амьжиргаа сайжрах зэрэг олон асуудал цогцоороо шийдэгдэнэ. Малчид маань нэгдэж хоршоо бий болсноор дутуугаа нөхөж, хамтдаа урагшлана. Малтайгаа байж амьдралтайгаа байна. Хаа холоос ирж өвч тэжээлээ авах бус өөрсдөө малчид тарихад зээлийн дэмжлэг үзүүлнэ. Хөдөө аж ахуйн салбар утгаараа хөгжинө" гэлээ.