“Mongolia fashion week 2024” хувцас загварын салбарын нэгдсэн арга хэмжээ болно

Соёлын яамны дэмжлэгтэйгээр “Монголын загвар урлагийн холбоо” ТББ, “Хөгжилд хүрэх алхам” ТББ-аас санаачлан “Mongolia fashion week 2024” загварын долоо хоногийн олон талт арга хэмжээг 2024 оны дөрөвдүгээр сарын 28-аас тавдугаар сарын 05-ны хооронд нийслэл Улаанбаатар хотноо зохион байгуулагдах гэж байна. 

“Mongolia fashion week 2024” загварын долоо хоногийг хувцас загварын салбарт үйл ажиллагаа явуулж буй байгууллага, хувь уран бүтээлчдийг дэмжих, сурталчлан таниулах, уялдаа холбоог хангах, туршлага солилцох, өрсөлдөх чадварыг нэмэгдүүлэх, нэгдсэн зохион байгуулалтад оруулах, аж ахуй нэгж байгууллагууд болон хувь уран бүтээлчдийн ажлын байрыг нэмэгдүүлэх, нийгмийг соён гэгээрүүлэх, бусад салбарын байгууллагуудтай уялдаа холбоотой ажиллах.

 Монгол үндэсний хувцасны соёлыг дотоод, гадаадад өргөн хүрээнд сурталчилан таниулах, эдийн засгийн эргэлтэд оруулах зорилгоор 2024 оны дөрөвдүгээр сарын 28-аас тавдугаар сарын 05-ны хооронд Улаанбаатар хотноо зохион байгуулах гэж байна.
Тус ажлын хүрээнд дөрөвдүгээр сарын 10-ний өдөр хэвлэлийн бага хурал зарлан олон нийтэд арга хэмжээний талаар мэдээлэл өгсөн билээ.
Мөн авангард хувцасны тэмцээнд нийт 40 гаруй дизайнер оролцохоор бүртгүүлэн уран бүтээлдээ орсон байна.

Дашрамд дурдахад энэ удаагийн мастер класс сургалтын хүндэт зочноор Солонгос улсын дизайнеруудын холбооны ерөнхийлөгч Лие Санг Бонг эрхэм зочлон ирэхээр төлөвлөөд байна.

Хувцас загварын хөгжлийн бодлого тодорхойлогч, хэрэгжүүлэгч төрийн байгууллага болон гадаадын мэргэжилтнүүд, хувцас загварын чиглэлээр соёлын үйлдвэрлэл, үйлчилгээ эрхлэгч иргэн, хуулийн этгээд, мэргэжлийн холбоод, эрдэм шинжилгээ, судалгааны холбогдох байгууллагын 200 гаруй төлөөлөл оролцоно.
Үйл ажиллагааны хөтөлбөр:
• Нээлтийн арга хэмжээ / 2024.04.28 – Сүхбаатарын талбай/
• Хувцас загварын салбарын форум /2024.04.30 – Чингис Хааны Үндэсний музей/
• Үзэсгэлэн худалдаа /2024.05.01-05 – Зайсан Хилл цогцолбор/
• Загварын шоу /2024.05.01-02 – Зайсан Хилл цогцолбор/
• Гала шоу тоглолт /2024.05.03 – Зайсан Хилл цогцолбор/
• Мастер класс сургалт /2024.05.01-02 – Зайсан Хилл цогцолбор/
• Авангард хувцасны тэмцээн /2024.04.29-05.03 – Сошиал бүртгэл, шалгаруулалт/
• Модель кастинг /2024.04.10 – Зайсан Хилл цогцолбор/
• “Үндэсний хувцас загварын долоо хоног” Сэтгүүл А4 хэмжээтэйгээр 3000 хувь хэвлэгдэж, хөтөлбөрийн нэгдсэн үйл ажиллагааны үеэр үнэ төлбөргүй тараагдана.