Таваас дээш жил техникийн үзлэгт ороогүй машиныг бүртгэлээс хасна

АТҮТ төрийн өмчит үйлдвэрийн газрын нь Зам, тээврийн хөгжлийн сайдын 2020 оны A/222 дугаар тушаалаар баталсан “Автотээврийн хэрэгслийн бүртгэл хөтлөх, улсын дугаар олгох журам” -ын хүрээнд тээврийн хэрэгслийн бүртгэлийн үйл ажиллагааг улсын хэмжээнд зохион байгуулан ажилладаг.

Уг журмын 7.2.3. сүүлийн 5 жил техникийн хяналтын үзлэгт хамрагдаагүй бол бүртгэлийн байгууллага автотээврийн хэрэгслийг бүртгэлээс хасна гэж заасан. Тус заалтыг үндэслэн “Автотээврийн хэрэгслийн бүртгэл хөтлөх, улсын дугаар олгох журам”-ын хэрэгжилтийг хангуулах зорилгоор сүүлийн 5 жилээс дээш хугацаанд техникийн хяналтын үзлэгт хамрагдаагүй 162,008 автотээврийн хэрэгслийн жагсаалт гарган автотээврийн хэрэгслийн бүртгэлээс хасах ажлыг зохион байгуулахаар төлөвлөн ажиллаж байна. 

 Та бүхэн өөрсдийн нэр дээр байгаа тээврийн хэрэгслийн мэдээллийг доорх хайлтын системээс шалгана уу!