Зариг.мн сайт “Мөрөөдөл биелдэг” нэвтрүүлгийг албан ёсны эрхтэйгээр хүргэж эхэллээ

Үзэгч олондоо 18 жил тасралтгүй хүрч буй “Мөрөөдөл биелдэг” хүмүүнлэгийн зорилтот нэвтрүүлэг албан ёсны эрхтэйгээр Зариг.мн сайтаар та бүхэнд хүрч эхэллээ. 2006 оноос эхлэн өнөөдрийг хүртэл тасралтгүй үргэлжилж буй хүмүүнлэгийн зорилтот төсөл олон хүний хүсэл мөрөөдлийг биелүүлж, амьдралын сайн сайханд хөтөлсөн билээ. Нэвтрүүлэгт ирсэн захидал хүсэлтийн дагуу хүмүүсийн хүсэл мөрөөдлийг биелүүлж 550 гаруй цуврал  нэвтрүүлэг бэлтгэн үзэгчдэд хүргэсэн байна.  Төслийн багийнханд хандсан 150 мянга  гаруй  хувь хүмүүс, төрийн болон төрийн бус байгууллагууд,  аж ахуйн нэгжүүдийг хүмүүнлэгийн ажилд хамруулж, ивээн тэтгэгч байгууллагын тусламжтайгаар  амьдралд нь бодит хувь нэмэр оруулж хүсэл  мөрөөдлийг нь биелүүлжээ.

“Мөрөөдөл биелдэг ” зорилтот төсөл  18 жилийн хугацаанд  170 өрхөд иж бүрэн тавилга, орон гэр, хашаа байшин, газар 40 гаруй  хүүхдэд дуртай мэргэжлээрээ  их дээд сургуулиудад үнэ төлбөргүй  сурах 4-6 жилийн  тэтгэлэг, 50 гаруй иргэнийг өртөг өндөртэй хагалгаа эмчилгээнд хамруулжээ.

Нэвтрүүлгийн шинэхэн дугаарууд болон олонд хүрч, сэтгэлд хоногшсон дугааруудыг та Зариг.мн сайтаар долоо хоног бүрийн Бямба гариг бүр хүлээн авч үзээрэй.