Аймаг, нийслэлийн сонгуулийн хороог энэ сарын 19-нөөс өмнө байгуулна

УИХ-ын 2024 оны сонгуулийн санал хураалт болоход 80 хоног үлдээд байна. Сонгуулийн ерөнхий хороо санал авах өдрөөс 70-аас доошгүй хоногийн өмнө аймаг, нийслэлийн сонгуулийн хороог байгуулах хуультай. Өөрөөр хэлбэл, энэ сарын 19-нөөс өмнө тухайн аймаг, нийслэлийн ИТХ-аас ирүүлсэн саналыг харгалзан дарга, нарийн бичгийн дарга болон тав, эсхүл долоон гишүүний бүрэлдэхүүнтэй сонгуулийн хороог байгуулж, нийтэд мэдээлэх юм. 

Нэг тойрогт хоёроос дээш тооны аймаг, дүүрэг багтаж байвал аль олон сонгогчтой аймаг, дүүргийн сонгуулийн хороо нь тухайн тойрог дахь сонгуулийн зохион байгуулалтын ажлыг хариуцна.