Ч.Хүрэлбаатар: Сайд нар сонгууль хийгээд хуссан мөнгөө тараагаад явж байна уу

УИХ-ын чуулганы нэгдсэн хуралдаанаар Хөрөнгө оруулалтын тухай хуульд өөрчлөлт оруулах тухай хуулийн төслийг хэлэлцээд хэлэлцэхийг нь дэмжлээ.Уг хуулийн төсөлд УИХ-ын гишүүн  Н.Алтанхуяг дараах байр суурийг илэрхийлэв.

УИХ-ын гишүүн Н.Алтанхуяг: Ч.Хүрэлбаатарын хуулийг яахаар болсон гэж ойлгох вэ. Би Ч.Хүрэлбаатарыг шүүхэд өгнө. Энэ хаваржингаа Хөрөнгө оруулалтын тухай хуулиар шоу хийлээ. Би Засгийн газрын алдаа гэж харахгүй байгаа. Ч.Хүрэлбаатар гэдэг хүн алдаатай хууль оруулж ирсэн. Хөрөнгө оруулалтын хууль гэдэг бол гадаадаас хөрөнгө оруулалт татахыг хэлнэ. Хөрөнгөө оруулсан хүнд газрыг яах вэ гэдэг нь дараагийн асуудал байтал оруулж ирээд энд баахан бужигнуулсан. Энэ алдаатай хууль нь юу болсон бэ. 

2013 оны хуулиас 60+40 жилээр газар ашиглах заалтыг авъя гэж байна. 1993 оны хуулиас энэ заалтыг бас авахгүй юм уу. Н.Алтанхуяг 60+40 жил гэдэг заалтыг оруулсан гэж Ч.Хүрэлбаатар гүтгээд байгаа. УИХ-ын архивд манай Засгийн газраас энэ заалтыг оруулаагүй, 100 мянган ам.долларын хөрөнгө оруулалт гэдэг заалт оруулсан тухай баримт бий. Тухайн үед УИХ дээр Засгийн газраас оруулж ирсэн хууль дээр нэмж, хасаад явахдаа 60+40 жил гэдэг заалтыг нэмсэн юм билээ. Энэ бол УИХ-ын бүрэн эрхийн асуудал юм. Гэтэл Засгийн газраас оруулж ирсэн мэтээр МҮОНТВ-ээр худлаа гүтгэж яриад байгааг шүүхэд өгнө.. Энэ сайд нар хаачсан юм. Сонгууль хийгээд хуссан мөнгөө тараагаад явж байна уу" гэлээ.