​АУДИТЫН ҮЙЛЧИЛГЭЭНИЙ ЗАРДЛЫГ 24 САЯ ТӨГРӨГӨӨР ИЛҮҮ ТАЙЛАГНАЖЭЭ

"Улаанбаатар цахилгаан түгээх сүлжээ" ТӨХК-ийн 2016 оны санхүүгийн тайланд хийсэн

аудитаар нийт 1,695,132.7 мянган төгрөгийн алдаа, зөрчил илэрсэн байна. Зөрчлийн дагуу Аудитын ерөнхий газраас өгсөн зөвлөмжийн дагуу 1,256,644.5 мянган төгрөгийн дүнтэй залруулга хийж, 438,488.2 мянган төгрөгийн зөрчилд асуудлын бүртгэл, удирдлагад хүргэх захидлаар зөвлөмж өгсөн байна.

Санхүүгийн тайланд хийсэн аудитаар илэрсэн зөрчлийн нэгтгэлийн дэлгэрэнгүй дараах

байдалтай байна.

Үүнд:

- Хойшлогдсон татварын өглөг 160,259,3 мянган төгрөгөөр илүү, орлогын албан

татварын 240,389.0 мянган төгрөг, орлогын албан татварын өглөг 400,648.3

мянган төгрөгийн өглөг уг дүнгээр дутуу илэрхийлэгдсэн.

- Нийт 99,820.4 мянган төгрөгийн урьдчилж төлсөн зардлыг аккруэль сууриар

бүртгэлгүй шууд зардлаар бүртгэж, тайлагнасан.

- ААНОАТ-ын хуулийн дагуу татвар ногдох орлогоос хасагдахгүй 2,037.5 мянган

төгрөгийн зардлыг татвар ногдох орлогоос хасч тайлагнасан.

- Үндсэн хөрөнгийн товчоо тайлангийн дүн, санхүүгийн тайлангийн тодруулга

болон гүйлгээ балансын дүнгээс 404,155.7 мянган төгрөгөөр зөрүүтэй.

- Зарим үндсэн хөрөнгийн санхүүгийн зорилгоорх тооцсон элэгдлийн дүн ЭХЗ

Хорооноос баталсан журамтай нийцээгүй.

- Хувь хүнд олгосон 5,800.0 мянган төгрөгийн орлогоос хувь хүний орлогын албан

татвар болох 580.0 мянган төгрөгийг суутгаж, төсөвт шилжүүлээгүй.

- Бараа материалын шинж чанартай нийт 13,010.0 мянган төгрөгийн бараа

материалыг орлогод авалгүй, шууд зардалд бүртгэж, тайлагнасан.

- 4,015.0 мянган төгрөгийн өр төлбөрийг буруу ангилж бүртгэсэн.

- 693,517.8 мянган төгрөгийнн Зээлийн авлагыг хөрөнгө оруулалтаар тайлагнасан 53,098.0 мянган төгрөгийн зээлийн хүүгийн авлагыг хуримтлуулж бүртгээгүй.

- Аудитын үйлчилгээний зардлыг 24,250.0 мянган төгрөгөөр илүү илэрхийлсэн.