Ирэх сард ихэнх нутгаар хүйтэн байна

Улсын Онцгой Комисс (УОК)-оос өнөөдөр ээлжит мэдээллийн цагийн үеэр Ус, Цаг Уур Орчны Судалгаа Мэдээллийн Хүрээлэнгийн орчил урсгал, урт хугацааны прогнозын судалгааны хэлтсийн ерөнхий инженер Б.Жаргалан дөрөвдүгээр сарын урьдчилсан цаг агаарын мэдээг танилцууллаа. 

Тэрбээр "Ирэх сард Монгол орны баруун аймгийн нутгаар болон Хөвсгөл, Архангай, Өвөрхангай аймгийн баруун хэсгээр олон жилийн дунджаас дулаан байх төлөвтэй байна. Хур тунадасны хувьд дөрөвдүгээр сард ордог хур тунадасны олон жилийн дундаж үзүүлэлт нь Хангай, Хөвсгөл, Хэнтийн уулархаг нутаг болон Орхон-Сэлэнгийн сав газраар 8-10 мм, говийн бүс нутгаар 0-2 мм бусад нутгаар 2-8 мм байдаг. Энэ жилийн хувьд нутгийн баруун хэсгээр болон говийн баруун хэсгээр олон жилийн дунджаас бага тунадас орох төлөвтэй байна. Төв болон зүүн хэсгээр олон жилийн дунджаас ахиу бороо орох шинжтэй байна. 

Дөрөвдүгээр сарын эхээр нутгийн хойд хэсгээр тунадас их орох бол өмнөд хэсгээрээ цас шуургатай, температурын хувьд дунджаасаа хүйтэн байх төлөв ажиглагдсан. 

Ирэх сарын 20-ныг хүртэл огцом дулааралт болон хүйтрэлт харьцангүй бага хэдий ч дунд үе буюу  15-16-нд цаг агаар ихэнх нутгаар хүйтэрнэ" гэлээ.