"Утсаар ярьчихаад ирье" гээд гарсан 33 настай залуу алга болоод таван сар болж байна

Үг дуу цөөтэй, даруухан, дөрвөн хүүхдийн аав 33 настай А.Гансүх 10 сард Сэлэнгэ аймаг руу самарт явжээ. Хамгийн сүүлд 10 сарын 31-нд эхнэртэйгээ утсаар ярихдаа “удахгүй харихаар байна, самар олдохгүй байгаа” гэж холбогдсон байна. Үүнээс хэдхэн хоногийн дараа тэрбээр ор сураггүй алга болсон байна. Хамт ууланд байсан хүмүүс нь түүнийг отгоосоо “утсаар ярьчихаад ирье” гэж гараад сураггүй болсон талаар ярьжээ. А.Гансүхийг хариуцаж явсан хүн залууг алга болсон гэдгийг Цагдаад мэдэгдсэн гэж ар гэрт нь худлаа ярьсан бөгөөд ар гэрийнхэн нь хамт самарт явсан иргэдийг дүүгийнх нь алга болсонтой холбоотой гэж хардаж байгаа юм. Онцгой, цагдаагаас хоёр удаа А.Гансүхийг хайгаад эрэл нь мухардаж, дахин хайгаагүй байна. Алга болоод таван сар болсон А.Гансүхийг ой дөрвөн сараас найман насны дөрвөн хүүхэд нь хүлээн бүлтэгнэж байна.

Бичлэгээр үзэх: