О.Ундрал: Хагас ухаангүй нөхрөө эмчлээд авбал өөр хүсэх зүйл байхгүй

Амьдралынхаа төлөө нүүрс тээвэрт явж байсан 26 настай залуу нүүрсний машинаа засаж байхад дугуй нь буудаж хүнд гэмтээд байгаа юм. Өөрсдийн гэсэн хашаа байшинтай болох гээд газраа аваад байсан ч ийм харамсалтай зүйл тохиолджээ. Ослоос болж 26 настай залуугийн өрөөсөн нүд хараагүй болж, дух нь цөмөрч, уушги нь бяцралттай, ухаан санаа нь сэргээгүй. 4 сартай, ой долоон сартай хоёр жаахан хүүхэдтэй. Эмнэлэгт хэвтэх гэхээр ЭМД-аараа тодосгогчтой рентгэн хийлгэж, эмнэлгийн үйлчилгээ хоёр сар авсан болохоор дахин хөнгөлөлтөөр эмнэлэгт хэвтэх боломжгүй байгаа юм. Эхнэр нь нялх хүүхэдтэй, орлогогүй болохоор эмнэлгийн зардал мөнгө ч хүнд. Одоо гэртээ өвчин намдаагч уугаад ухаангүй шахуу хэвтэж байна.

Хандивын данс: 5374291598 эхнэр О.Ундрал /Хаан банк/