З.Энхболд: "Эрдэнэс Тавантолгой"-г өмчлөх сонирхолтой бүлэглэлийн өс хонзон шүүхийн тогтоол болж биежлээ

 ЕТГ-ын дарга асан З.Энхболд: Би гэм буруугүй. 2019 онд Б.Энх-Амгалан сайдын гаргасан тушаалыг намайг хатгаж гаргуулсан гэж үзэж байгаа юм байна. "Эрдэнэс Тавантолгой"-г Монголын ард түмэнд үлдээсний хариуг бүлэглэл авч байна. Б.Энх-Амгалан сайд яаман дээрээ ямар тушаал гаргаад хэнд давуу эрх олгож байгаа гэдгийг би мэдэх боломжгүй. Бид хоёр сая л шүүх дээр танилцаж, утсаа солилцлоо. MCS, Энержи Ресурс компани, Шиньхуа компани, Ц.Элбэгдорж, Ч.Сайханбилэг нар нийлж байгаад "Эрдэнэс Тавантолгой"-г үнэгүй хувьчилж авахыг оролдсон шүү дээ. Энэ бол есөн жилийн өмнөх үйл явдал. Энэ бүлэглэлийн өс хонзон явсаар байгаад есөн жилийн дараа шүүхийн тогтоол болж биежчихлээ.