​ТАРИАЛАН ЭРХЛЭЛТИЙГ ДЭМЖИХ САН 241.3 САЯ ТӨГРӨГИЙГ ТАЙЛАНД ТУСГААГҮЙ БАЙНА

Тариалан эрхлэлтийг дэмжих сангийн санхүүгийн тайлангийн 2016 оны жилийн эцсийн байдлаар өглөгөөр туссан 24,000.0 сая төгрөг нь Атрын 3 дахь аяны хүрээнд 2008 онд Монгол Улсыг хөгжүүлэх сангаас авсан 80.9 мянган тонн улаан буудайны улсын төсөвт төвлөрүүлэх ёстой үлдэгдэл төлбөр болно. Уг өглөгийг улаан буудайн хадгалалтын зардал, худалдах, худалдан авах үнийн зөрүүнээс үүссэн алдагдал, хэвийн хорогдол зэргийг тооцож Сангийн яамтай өнөөг хүртэл тулган баталгаажуулалт хийгээгүйгээс шалтгаалан барагдуулаагүй байна.

Тиймээс Сангийн яамтай МУХС-гийн улаан буудайн тооцоог хийж, улсын төсөвт төвлөрүүлэх, өглөгийг барагдуулах арга хэмжээ авах талаар зөвлөмжийг Аудитын ерөнхий газраас өгсөн тухай тайландаа тэмдэглэжээ.

Тариалан эрхлэлтийг дэмжих сан 241.3 сая төгрөгийн үнэ бүхий 5 га-гийн дуслийн усалгааны системийг санхүүгийн тайланд тусгаагүй нь НББ-ийн тухай хуулийн 14 дүгээр зүйлийн 14.4.2-т "Бүх хөрөнгө, хөрөнгө оруулалт, авлагыг Нягтлан бодох бүртгэлд заавал тусгана", сонгон шалгаруулалтгүйгээр 1,978.0 сая төгрөгийн ургамал хамгаалалын бодис худалдан авсан нь ТБОНӨХБАҮХАТ хуулийн 8 дугаар зүйлийн 8.2-т "Энэ хуулийн 8.1.1-д "Босго үнээс дээш төсөвт өртөгтэй бараа, ажил, үйлчилгээг худалдан авахад энэ хуульд өөрөөр заагаагүй бол нээлттэй тендер шалгаруулалтын журмыг хэрэглэнэ" гэсэн заалтыг тус тус зөрчсөн байна.