Зургаан жилийн ял авсан Ё.Баатарбилэгийг Давж заалдах шатны шүүхээр хэлэлцэж байна

"Хөгжлийн банк"-ны гэх 80 хүн, 4 хуулийн этгээдэд холбогдох эрүүгийн хэргийн шүүх хурал өнгөрсөн оны долдугаар сард явагдаж дууссан билээ. 

Сүхбаатар дүүргийн Эрүүгийн хэргийн анхан шатны шүүхээс УИХ-ын гишүүн Ё.Баатарбилэгийг “Улс төрд нөлөө бүхий этгээд үндэслэлгүй хөрөнгөжих, улс төрд нөлөө бүхий этгээд хахууль авах” гэсэн гэмт хэрэгт тус тус холбогдуулан гэм буруутайд тооцон, нийтийн албанд томилогдох эрхийг таван жилээр хасах, зургаан жил хорих ял оноосон.

 Өөрөөр хэлбэл, Хөгжлийн банкны хэрэгт холбогдоод байсан УИХ-ын гишүүдээс ганцхан Ё.Баатарбилэгийг гэм буруутайд тооцсон юм. Ингэснээр түүний хувьд парламентын түүхэнд бүрэн эрхийнхээ хугацаанд шүүхээс ял сонссон анхны гишүүн болж буй. 

Тэгвэл УИХ-ын гишүүн Ё.Баатарбилэг анхан шатны шүүхийн шийдвэрийг эс зөвшөөрч давж заалдах гомдол гаргасан байдаг. Тэгвэл яг одоо түүний гомдлыг Давж заалдах шатны шүүхээр хэлэлцэж байна. 

Түүнчлэн Анхан шатны шүүхээс 48 хүнд холбогдох хэргийг хэрэгсэхгүй болгосон бол 32 хүн, дөрвөн хуулийн этгээдэд эрүүгийн хариуцлага оноосон шийдвэрийг мөн өнөөдрийн Давж заалдах шатны шүүхээр хэлэлцэж байна.

Хөгжлийн банкны гэх тодотголтой 80 хүн дөрвөн хуулийн этгээдэд холбогдох хэргийг давж заалдах шатны шүүх хурал өнөөдөр /2024.03.07/ 09.00 цагаас Улаанбаатар чуулгын ба