Ломбардын зээлийн хүүгийн дээд хэмжээ 4.5 хувь боллоо

Л.Бямбажав

2024/03/01

Санхүүгийн зохицуулах хорооны Мөнгөн зээлийн үйл ажиллагааны бодлогын зөвлөл нэгдүгээр сарын 24-ний өдөр хуралдаж, мөнгөн зээлийн /ломбард/ үйл ажиллагаа эрхлэх этгээдээс олгох зээлийн хүүгийн дээд хэмжээг сарын 4.5 хувиар тогтоосон. Уг шийдвэрийг өнөөдрөөс буюу 2024 оны гуравдугаар сарын 1-ний өдрөөс мөрдөж эхэлнэ.

Мөнгөн зээлийн үйл ажиллагаа эрхлэх этгээд гэдэг нь барьцаалан зээлдүүлэх үйлчилгээ үзүүлэх буюу зөвхөн ломбард болохыг тус хорооноос тодотгов. Судалгааны ажил, зээлийн, барьцааны, батлан даалтын гэрээний ерөнхий загварын төсөл, зээлийн хүүгийн хэмжээг бодох, тооцох аргачлалыг хэлэлцэж, дээрх шийдвэрийг гаргасан.

УИХ-аас Мөнгөн зээлийн үйл ажиллагааг зохицуулах тухай хуулийг 2022 онд баталж уг хуулиар мөнгөн зээлийн үйл ажиллагааны бодлогыг тодорхойлох, зохицуулах, холбогдох төрийн байгууллагын үйл ажиллагааг уялдуулах зорилгоор Санхүүгийн зохицуулах хорооны дэргэд орон тооны бус Мөнгөн зээлийн үйл ажиллагааны бодлогын зөвлөл байгуулсан.

Тус зөвлөл нь мөнгөн зээлийн үйл ажиллагаа эрхлэх этгээдээс олгох зээлийн хүүгийн дээд хэмжээг тогтоох, зээлийн, барьцааны, батлан даалтын гэрээний ерөнхий загвар, зээлийн хүүгийн хэмжээг бодох, тооцох аргачлалыг батлах үүргийг хүлээжээ.

Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

103.212.116.87

2024/03/02

Хувь зээлдэгч нар бүүр 10% шүдээ. Тэр дээрэмчдийг яах гэж байна

Хариулах

103.9.90.100

2024/03/01

ЖДҮ гээс жилийн 3 хувийн хүүтэй зээл аваад ломбардад сарын 4.5 аар хүүлж мөнгө угаасан нөхдүүд мөн ч ашигтай даа

Хариулах

103.9.90.100

2024/03/01

ИЙМ ӨНДӨР БАЙВАЛ ХААХ ХЭРЭГТЭЙ .САРЫН 4.5 ГЭНЭ ҮҮ.

Хариулах