ШУТИС малчин өрхийн оюутнуудыг нэг сар хичээлээс нь чөлөөллөө

Мал хээл хаях, төл мал бээрч осгох зэргээр малын хорогдол ихээр гарч байгаа бөгөөд өнөөдрийн байдлаар 1 сая 570 мянган мал хорогдоод байгаа. Төмөр зудын байдалтай байгаа орон нутгуудад Засгийн газрын зүгээс зургаан хэсэгт ажлаад ирсэн. 

Нөхцөл байдал хүнд байгаа энэ үед  мал аж ахуйн салбарын өвөлжилт, хаваржилт хүндэрсэнтэй холбоотой зуданд нэрвэгдсэн орон нутгийн малчдад туслах шаардлага бий болж байгаа юм. Шинжлэх Ухаан, Технологийн Их Сургууль (ШУТИС) малчин өрхөөс суралцагчийг хичээлээс нь түр чөлөөлж, сургалтын үйл ажиллагаанд зохицуулалт хийж байгаа юм. 

Малчин өрхийн суралцагчийг өөрийнх нь хүсэлтийн дагуу хоёрдугаар сарын 19-өөс гуравдугаар сарын 22-ны өдөр хүртэл 4 долоо хоног хичээлээс түр чөлөөлөх тухай мэдэгдлийг тус сургуулиас гаргажээ.