Б.Батбаяр: Намайг гээд зорьж ирдэг хүмүүсийг гомдоож болохгүй, би машин засварладаг энэ ажилдаа үнэхээр хайртай

“Би дээд боловсрол эзэмшээгүй. Гэхдээ аливаад тууштай байвал амьдрал өөдөлдөг гэж боддог. Би энэ авто засварын газарт анх засварчнаар ороод инженер болтлоо дэвшсэн. Ажилдаа ч дуртай, Эвдэрсэн машины эд ангийг солих биш аль болох засаж өгөхийг хичээдэг. Хөдөө явахдаа над дээр ирж машинаа янзлуулаад хэд хоногийн дараа сайн яваад ирсэн гэдгийг нь сонсох хичнээн сайхан гээч. Миний амьдрал дардан байгаагүй. Гурван хүүгээ аваад эхнэрээсээ салахдаа энэ гурван хүүгийн төлөө хичээх ёстой гэж ажилдаа улайрч ирсэн. Тэр хүнд үед надад сайн хань заяасан. Одоо гурван хүүтэйгээ, сүүлд төрсөн гурван настай охинтойгоо, эхнэртэйгээ сайхан амьдарч байна. Зарим үед би улайрч нуруу, бөөр өвдөөд орой гэртээ харихаар эхнэр маань эм тан бэлдчихсэн сууж байдаг юм. Цагийн эмтэй үед заавал уух хэрэгтэй гэж дагаж байгаад өгнө, ажлаас болж бухимдсан үед тайвшруулах гэж аргадна. Би ч эхнэрээ, хүүхдүүдээ хайраар дутаахгүйг, тайван сайхан амьдруулахыг хичээдэг. Гэхдээ хорвоод намайг гэдэг гэргийтэй байх хичнээн сайхан гэж санана..” 

Авто инженер Б.Батбаяртай ярилцлаа.