Малаа хариулахгүй хот руу оруулбал нэг сая төгрөгөөр торгоно

Хориглосон бүсэд журам зөрчиж мал нэвтрүүлсэн хүнийг мянган нэгжтэй тэнцэх хэмжээний буюу нэг сая төгрөгөөр торгох талаар БЗД-ээс мэдээлэв.

Тодруулбал, хариулгагүй хот руу орж ирсэн малыг зөвшөөрөгдсөн бүс рүү тууж гаргах ажлыг дүүргээс зохион байгуулж байгаа аж. Ногоон байгууламжийг сүйтгэх эрсдэл дагуулж буй учраас хариулгагүй малыг цаашид хашаалах тусгай хашааг байгуулах шийдвэрийг Баянзүрх дүүргийн удирдах ажилтнуудын шуурхай зөвлөгөөний үеэр гаргасан байна. Мөн хашаа, өвс тэжээлийн зардлыг буруутай этгээдээр төлүүлэхээр болжээ. Иймд иргэд малаа хариулгатай байлгаж, эзэнгүй алдуул мал олдвол 99482442 дугаарын утсанд хандахыг зөвлөжээ.

Эх сурвалж: Баянзүрх дүүрэг