Хүнсний инженер О.Гал-Очир: Зөвлөгөө нэрээр нэгнийгээ хорлож байна, алимны цууг турах зорилгоор ууж огт болохгүй

Хүнсний аюулгүй байдлын үндэсний лавлагаа лаборатори (ХАБҮЛЛ)-ийн 2023 оны 01 сарын 17-ны өдрийн 23-486 тоот шинжилгээний хариугаар Брагг брендийн алимны цууны цууны хүчлийн агуулгыг 0,05% гэж шинжилсэн байна. Энэ хүрээнд хүнсний инженер О.Гал-Очироос тодрууллаа. 

Тэрбээр "Доорх өөрсдийнх нь шошгоны тайлбар дээр "хүчиллэгийг 5% хүртэл шингэлсэн" гэсэн байгаа юм. Diluted to 5% acidity гээд цагаан дээр хараар биччихсэн байгаа биз. Хэрэв дээрх лабораторийн хэмжээ үнэн бол цуу биш зүйлийг цуу гэж зараад байгаа гэж ойлгогдохоор байна. Та нар сая шүүх дээр ч манайх ийм агуулгатай гэж яриад л явж байсан. Хэрэв танайх шошгон дээрээ бичсэн шиг цууны хүчлийн агуулгатай байгаад, үүнийг нь ХАБҮЛЛ 0,05% гэж шинжилсэн бол энэ маш ноцтой алдаа болж хувирна. Гэхдээ итгэмжлэгдсэн том лабораторийг ийм алдаа гаргана гэж би бодохгүй байна. Яг үүнээс харахад хорин хэдэн төрлийн ач холбогдолтой гэж сурталчилж зардаг бүтээгдэхүүнийхээ хувь буюу процентын концентрацийг нь ч ойлгохгүй байна шүү дээ" гэсэн юм.