Сэлэнгэ бодонс баг цувралын харьцааг тэнцүүллээ

МСБХ-ны М Хөгжлийн Лигийн эрэгтэй плей-оффын эхний шатанд учраа таарсан Хасын Хүлэгүүд болон Сэлэнгэ Бодонс багуудын цувралын 4 дэх тоглолтонд Сэлэнгэ Бодонс баг 86-79 харьцаатай ялалт байгуулснаар хоёр багийн цуврал 5 дах тоглолтоор шийдэгдхээр боллоо.

Цувралын 3 дах тоглолтод М.Цэнгүүн болон Б.Хүслэн нарын амжилттай болгосон довтолгоогоор Хасын Хүлэгүүд баг онооны тэргүүллийг авч хожил байгуулж цувралыг тэргүүлж эхэлсэн юм.

Тус тоглолтын шилдгээр Хасын Хүлэгүүд багийн довтлогч М.Цэнгүүн тодорсон бөгөөд 20 оноо 4 самбар 5 оновчтой дамжуулалт гүйцэтгэхдээ торгуулийн шидэлтийг /8-8/ гэсэн 100% шидсэн юм.

Харин цувралын дөрөв дэх тоглолт болох  Сэлэнгэ Бодонс баг хожигдох эрхгүй тоглолтыг маш сайн эхлүүлж  багийн довтлогч М.Тэмүүжингийн дараалж авсан 8 оноо Сэлэнгэ Бодонс багийг хожилд хөтөлж  цувралын харьцааг 2:2 болгон тэнцүүлсэн билээ.

Хоёр  багийн шийдвэрлэх 5 дах тоглолт 1-р сарын 6-ны Бямба гарагт 15:00 цагаас Спортын Төв Ордонд явагдах бөгөөд хожил байгуулсан баг нь Зүүн бүсийн аваргын төлөө шалгарах юм.