​ Ховд нутгийн хоёр багийн цуврал тэнцлээ

МСБХ-ны М Хөгжлийн Лигийн эрэгтэй плей-оффын эхний шатанд учраа таарсан Ховд Шонхорууд болон Чандмань Rivers Минжит Булган багуудын цуврал 2:2 болон тэнцсэнээр шийдвэрлэх 5 дах тоглолт гарахаар боллоо.

Хоёр  багийн цувралын 3 дах тоглолтонд Ховд Шонхорууд багийн лидер болох Б.Гантогтох 20 оноо 16 самбар авч сайн тоглолт үзүүлсэн бол багийн хамтрагч Т.Тэмүүжин 16 оноо 6 бөмбөг таслалт гүйцэтгэж хожил байгуулснаар цувралын харьцааг 2:1 болгон ойртуулсан юм.

Цувралын 4 дэх тоглолт маш ширүүн өрсөлдөөнтэй болж эцсийн мөчид  Ховд Шонхорууд баг байгуулж цувралын харьцааг тэнцүүлсэн билээ.

Тус тоглолтонд Ховд Шонхорууд багаас Б.Гантогтох болон Г.Чинбат нар тус тус 22 оноог авч багтаа хожил авчрахад чухал үүрэг гүйцэтгэсэн юм.

Хоёр багийн  багийн шийдвэрлэх 5 дах тоглолт 1-р сарын 6-ны өдөр буюу Бямба гарагт 13:00 цагаас Спортын Төв Ордонд явагдах бөгөөд хожил байгуулсан баг нь Зүүн бүсийн аваргын төлөө шалгарах юм.