Сүхбаатар баг баруун бүсийн финалд шалгарлаа

МСБХ-ны М Хөгжлийн Лигийн эрэгтэй плей-оффын эхний шатанд учраа таарсан Сүхбаатар болон Мазаалай багуудын цувралд Сүхбаатар баг 3-1 харьцаатай илүүрхэж баруун бүсийн шигшээд шалгарлаа.

Сүхбаатар баг М Хөгжлийн Лигийн баруун бүсийг амжилтаараа тэргүүлж 4-р байраар шалгарсан залуу бүрэлдэхүүнтэй Мазаалай багтай эхний шатанд учраа таарсан юм.

Цувралын 3 дах тоглолтонд Мазаалай багийн хувьд хожигдох эрхгүй тоглолт байсан ба тоглолтын эхний хагас Сүхбаатар багийн  онооны давуутай дууссан.  Харин 3-р үеэс эхлэн Мазаалай баг хамгаалалтанд идэвхтэй тоглолтыг үзүүлж багийн ахлагч С.Төгөлдөрийн сайн тоглолт болон багийн бусад тоглогчид холын зайн шидэлт мөн чөлөөт шидэлт найдвартай гүйцэтгэж цувралын харьцааг 2:1 болгон ойртуулсан билээ.

Харин дөрөв дэх тоглолтын  эхний хагас эн тэнцүү өрнөж  тоглолтын 3-р үеэс  Сүхбаатар багаас Б.Нямзориг болон А.Баярхүү нар дараалласан оноонуудыг авч тоглолтын хэмнэлийг хадгалан явсаар ялалт байгуулж баруун бүсийн шигшээд шалгараад байна.

Тус тоглолтонд Сүхбаатар багаас Б.Нямзориг болон А.Баярхүү нар тус тус 20-с дээш оноог авч багаа хожилд хөтөлсөн билээ.

Сүхбаатар багийн хувьд Баруун Бүсийн аваргийн төлөө Ондилт багтай тоглохоор болсон бөгөөд цувралын эхний тоглолт 1-р сарын 6-ны өдрийн  17:00 цагаас Спортын Төв Ордонд явагдах юм.